أهلًا، أنا إبراهيم جمال

ببني إيه؟

• ميلزا: نظام بيعمل لكل مطعم موقع ومنيو وطلبات أونلاين ولوحة تحكم. شغّال عليه مطاعم زي أبو مازن والقليوبي.
• منصة تعليمية تفاعلية (الموقع اللي إنت عليه): دروس في العلوم المتكاملة والبرمجة والذكاء الاصطناعي، كل درس فيه تجربة بتلعب فيها بإيدك وأسئلة زي الامتحان.
• أدوات ببلاش زي حاسبة النسبة المئوية ولعبة كلمة اليوم، ضمن تحدّي ١٢ مشروع بصوّر كل خطوة فيه.
• مدونة بكتب فيها عن البرمجة والذكاء الاصطناعي والتحوّل الرقمي بشكل عملي.

بشتغل مع مين؟

أصحاب الأعمال اللي محتاجين موقع أو نظام طلبات، والمدارس والمعلمين وصنّاع الكورسات اللي عايزين منصة أو فيديوهات تعليمية، ورواد الأعمال اللي عندهم فكرة عايزين يجرّبوها. هتتعامل معايا أنا مباشرة، من أول ما نتكلم لحد التسليم.

ليه الموقع ده؟

عشان أجمع في مكان واحد اللي ببنيه واللي بتعلّمه: أدوات تحل مشاكل يومية، ودروس تشرح بالتجربة مش بالحفظ، وشغل حقيقي تقدر تفتحه وتجرّبه. وكل حاجة هنا ببلاش، إلا لو طلبت مني مشروع خاص بيك.