الغلاف المائي

نص الفيديو

1. 0:00

   لو بصّينا على الأرض من الفضاء، أول حاجة هتلفت نظرنا إنها زرقا. والأزرق ده هو المية. والمية دي هي اللي بتميّز كوكبنا عن كل كواكب المجموعة الشمسية التانية. وكل المية اللي على الأرض دي اسمها الغلاف المائي، بالإنجليزي Hydrosphere. تعرفوا المية بتغطي قد إيه من سطح الأرض؟ حوالي 70%! يعني تقريبًا تلت تربع الكوكب مية. طيب تعالوا نتخيّل حاجة: لو جمعنا كل مية الأرض وحطيناها في جركن واحد، فيه 100 لتر.

2. 0:32

   97 لتر منهم مية مالحة، في المحيطات والبحار والبحيرات المالحة، ودي ما ينفعش نشربها على طول. و2 لتر مية متجمدة، في القمم الجليدية عند القطبين، وفي الأنهار الجليدية. يعني فاضل لتر واحد بس مية عذبة سايلة: الأنهار والبحيرات العذبة، والمياه الجوفية اللي تحت الأرض. واستنوا.. حتى اللتر ده، أغلبه مياه جوفية تحت الأرض. أما اللي في الأنهار والبحيرات فهو حوالي 30 ملّي بس، يعني تقريبًا معلقتين كبار!

3. 1:02

   وده الجزء اللي أغلب البشر بيشربوا ويزرعوا منه. علشان كده يا أصدقاء، المية على كوكبنا كتير، بس اللي نقدر نوصله منها قليل جدًا. والحفاظ عليها مش رفاهية. وفي الجزء الجاي، هنشوف المية دي بتتحوّل إزاي بين الصلبة والسايلة والغازية. يلا بينا!

• 2:14البيئة والنظام البيئيالغلاف المائي على كوكب الأرض
• 1:46دورة الماءالغلاف المائي على كوكب الأرض
• 1:00المية والحياة وتركيب جزيء الماءالخواص الكيميائية للماء
• 0:52الرابطة التساهمية في جزيء الماءالخواص الكيميائية للماء
• 1:18قطبية الماء والروابط الهيدروجينيةالخواص الكيميائية للماء
• 1:13الماء مذيب عامالخواص الكيميائية للماء