تطوير التطبيقات
تطبيق بيحل مشكلة حقيقية في شغلك أو تعليمك.
ببني تطبيقات ويب بتشتغل من المتصفح وتتثبّت على الموبايل كتطبيق، من غير ما المستخدم ينزّل حاجة من المتجر. مناسبة لأدوات الأعمال والتعليم وبوابات العملاء.
الخدمات
تطبيقات ممكن نبنيها
تطبيقات PWA
لو عايز تطبيق على موبايل عملائك من غير متجر تطبيقات: بيتثبّت من المتصفح، وبيبعت إشعارات، وأجزاء منه تشتغل من غير نت.
تطبيقات ويب مخصصة
لو شغلك ماشي على شيتات ورسائل متفرقة: تطبيق واحد بيجمع البيانات والخطوات في مكان واحد.
تطبيقات إدارة الأعمال
لو الطلبات أو المخزون أو المواعيد بتضيع: نظام بيتابعها ويوريك حالتها، بصلاحيات لكل موظف.
تطبيقات تعليمية تفاعلية
لو الطالب بيحفظ من غير ما يفهم: محاكيات وتمارين بيجرّب فيها بنفسه، زي الموجودة في كورسات المنصة.
بوابات العملاء ولوحات التحكم
لو عملاءك بيسألوا كل شوية عن حالة طلبهم: بوابة يشوفوا فيها طلباتهم وفواتيرهم.
منتجات رقمية للموبايل
لو جمهورك كله على الموبايل: واجهات مصمّمة للموبايل الأول، وسريعة على الشبكات الضعيفة.
من شغلي
مشاريع شغّالة
منصة تعليم تفاعلية
كورسات كل درس فيها تجربة بتلعب فيها بإيدك، وبعدها أسئلة زي الامتحان. الموقع اللي انت عليه دلوقتي.
- محاكيات تفاعلية جوه الدروس
- بتتثبّت على الموبايل وتشتغل كتطبيق (PWA)
- لوحة تحكم وإحصائيات وإشعارات
ميلزا: نظام طلبات للمطاعم
منصة بتعمل لكل مطعم موقع ومنيو طلبات خاص بيه، مع لوحة تحكم لإدارة الطلبات والمحتوى.
- موقع ومنيو لكل مطعم
- طلبات أونلاين
- لوحة تحكم للمطعم
حاسبات المدونة
أدوات حساب أونلاين بالعربي (زي حاسبة النسبة المئوية) جوه المدونة، بتشرح الخطوات مش بس النتيجة.
- أدوات تفاعلية سريعة
- محتوى تعليمي جنب الأداة
لعبة كلمة اليوم
لعبة كلمات يومية بالعربي، بتشتغل على الموبايل كتطبيق.
- تطبيق ويب على الموبايل
- حالة اللعبة محفوظة على الجهاز
طريقة الشغل
خطوات بناء التطبيق
الخطوة 1: فهم المشكلة
مين هيستخدم التطبيق، وبيعمل إيه النهارده من غيره.
الخطوة 2: تحديد النسخة الأولى
أقل مجموعة مميزات تحل المشكلة وتتجرّب بسرعة.
الخطوة 3: تصميم الشاشات
شكل الشاشات الأساسية وتجربة الاستخدام.
الخطوة 4: البرمجة
الواجهة والسيرفر وقاعدة البيانات، مع عرض أول بأول.
الخطوة 5: الاختبار
مع مستخدمين حقيقيين على أجهزتهم.
الخطوة 6: الإطلاق والتطوير
نطلق النسخة الأولى ونحسّن بناءً على الاستخدام.
أسئلة شائعة
أسئلة عن تطوير التطبيقات
بتعمل تطبيقات iOS وAndroid native؟
لأ. بشتغل على تطبيقات ويب (PWA) بتتثبّت على الموبايل من المتصفح. لو مشروعك لازمه تطبيق native على المتاجر، هقولك ده بصراحة من الأول.
يعني إيه PWA؟
موقع بيتصرّف زي التطبيق: أيقونة على الشاشة الرئيسية، فتح بملء الشاشة، إشعارات، وأجزاء بتشتغل من غير إنترنت. المنصة اللي انت عليها دلوقتي مثال.
التطبيق هيتكلف كام وهياخد قد إيه؟
بيتحدد بعد ما نحدد النسخة الأولى من التطبيق. بتوصلك تفاصيل واضحة قبل البدء.
البيانات هتبقى في أمان؟
بتتخزن على سيرفر محمي، بصلاحيات لكل نوع مستخدم، ومن غير ما تتشارك مع حد.
يلا نبني تطبيقك
احكيلي عن مشروعك في فورم واحد. الخدمة هتبقى متحددة لوحدها.