الانخفاض في الضغط البخاري

نص الفيديو

1. 0:00

   لو سبنا كوباية مية مفتوحة، المية بتقل مع الوقت، لأن الجزيئات اللي على السطح بتتبخر. طب لو قفلنا الكوباية؟ جزيئات بتتبخر وتطلع بخار، وجزيئات تانية من البخار بترجع للسائل، وده اسمه التكثف. ولما معدل التبخر يساوي معدل التكثف عند درجة حرارة وضغط ثابتين في نظام مغلق، كمية السائل وكمية البخار بيفضلوا ثابتين، وده اسمه الاتزان الديناميكي.

2. 0:26

   والبخار اللي فوق السائل بيعمل ضغط على سطحه، اسمه الضغط البخاري: ضغط بخار السائل على سطحه في نظام مغلق، لما يحصل الاتزان الديناميكي. طيب ليه المحلول ضغطه البخاري أقل من المية النقية؟ لسببين: جزء من سطح المحلول مشغول بأيونات المذاب، وفيه قوى تجاذب قوية بين جزيئات المية وأيونات المذاب، غير الروابط الهيدروجينية بين جزيئات المية نفسها.

3. 0:53

   يعني المية محتاجة طاقة أكبر علشان تتحرر وتتبخر، فعدد الجزيئات اللي بتتبخر بيقل، والضغط البخاري بيقل. وكل ما عدد جزيئات أو أيونات المذاب يزيد، الضغط البخاري يقل أكتر، يعني علاقة عكسية. مثال: عندنا جزيء واحد من كل ملح من دول، في نفس كمية المية: كلوريد البوتاسيوم (KCl) بيدّي أيونين، وكبريتات الصوديوم (Na₂SO₄) بتدّي 3 أيونات، وكلوريد الحديد (FeCl₃) بيدّي 4 أيونات.

4. 1:27

   يبقى أقل ضغط بخاري هيكون لمحلول كلوريد الحديد، لأن أيوناته أكتر. ومعلومة أخيرة: مساحة سطح السائل مش بتأثر على ضغطه البخاري عند نفس درجة الحرارة.

• 0:29مقدمة المحاليل المائيةالمحاليل المائية وخواصها
• 0:56المحاليل والخواص الجمعيةالمحاليل المائية وخواصها
• 1:28الارتفاع في درجة الغليانالمحاليل المائية وخواصها
• 0:49الانخفاض في درجة التجمدالمحاليل المائية وخواصها
• 1:05الضغط الأسموزيالمحاليل المائية وخواصها
• 2:14البيئة والنظام البيئيالغلاف المائي على كوكب الأرض