غاز ثاني أكسيد الكربون

نص الفيديو

1. 0:00

   نروح لثاني أكسيد الكربون. بيوصل للمية من تلات مصادر. أولًا: تبادل الغازات بين الغلاف الجوي والمية، والهوا الجوي هنا برضه هو المصدر الرئيسي. ثانيًا: التنفس الخلوي. الكائنات البحرية بتتنفس، وبيطلع منها ثاني أكسيد الكربون كفضلات من عملية الهدم، فيدوب في المية اللي حواليها. ثالثًا: الأنشطة البشرية، زي التلوث الصناعي، وتحلل المواد العضوية اللي جاية مع مية الصرف الزراعي.

2. 0:26

   طب النباتات والطحالب بتاخده إزاي؟ بخاصية فيزيائية اسمها الانتشار. الانتشار هو تحرك الجزيئات أو الأيونات من وسط تركيزه عالي، لوسط تركيزه منخفض. فثاني أكسيد الكربون بينتقل من المية، اللي تركيزه فيها أعلى، لجوه الخلايا الحية، اللي تركيزه فيها أقل. وثاني أكسيد الكربون عنصر رئيسي في البناء الضوئي، اللي بيكوّن منه النبات مواد عضوية زي الجلوكوز.

3. 0:50

   المعادلة: 6CO₂ + 12H₂O، في وجود ضوء الشمس والكلوروفيل، بيدّوا جلوكوز C₆H₁₂O₆ + 6H₂O + 6O₂. وكده تقفل الدورة: السمكة بتتنفس فتطلّع ثاني أكسيد الكربون، والطحالب بتاخده في البناء الضوئي وتطلّع أكسجين، والسمكة تتنفسه تاني.

• 1:21مقدمة الغازات والذوبانيةتأثير غازات الهواء الجوي على البيئات المائية
• 1:02مقارنة الأكسجين وثاني أكسيد الكربونتأثير غازات الهواء الجوي على البيئات المائية
• 1:30غاز الأكسجينتأثير غازات الهواء الجوي على البيئات المائية
• 2:01لما CO₂ يزيدتأثير غازات الهواء الجوي على البيئات المائية
• 1:27لما CO₂ يقلتأثير غازات الهواء الجوي على البيئات المائية
• 2:14البيئة والنظام البيئيالغلاف المائي على كوكب الأرض