مقدمة الغازات والذوبانية

نص الفيديو

1. 0:00

   إزايكم يا شباب، أهلًا بيكم في درس جديد من جرّبها. في الدرس اللي فات شفنا إزاي الكائنات المائية اتكيفت عشان تعيش في المية. النهارده هنشوف حاجة مش باينة للعين: الغازات اللي دايبة في المية. السمكة بتتنفس أكسجين، والطحالب محتاجة ثاني أكسيد الكربون. طب الغازات دي بتوصل للمية إزاي؟ ولو زادت أو قلّت يحصل إيه؟ يلا بينا. في عوامل كتير من برّه بتأثر على البيئات المائية، وعلى الكائنات اللي عايشة فيها.

2. 0:27

   منها: ذوبان غازات الهوا الجوي في المية، ونفاذ الضوء والإشعاع الشمسي جوه المية، والضغط جوه المية. النهارده هناخد أول واحد: الغازات. الأنهار والبحار فيها كمية كافية من غازين مهمين جدًا للحياة المائية: غاز الأكسجين O₂، وغاز ثاني أكسيد الكربون CO₂. نبدأ بكلمة مهمة: الذوبانية. الذوبانية هي قدرة المذاب على الذوبان في المذيب، لتكوين محلول متجانس عند درجة حرارة وضغط معينين.

3. 0:58

   أو هي أقصى كمية من المذاب ممكن تدوب في حجم معين من المذيب، لتكوين محلول مشبع ومستقر عند درجة حرارة وضغط معينين. والذوبانية بتتأثر بتلات عوامل: درجة الحرارة، والضغط، وطبيعة المادة. ونقدر نحسب ذوبانية الغاز في المحلول بالعلاقة دي: الذوبانية تساوي كتلة الغاز المذاب، على حجم المحلول.

• 1:02مقارنة الأكسجين وثاني أكسيد الكربونتأثير غازات الهواء الجوي على البيئات المائية
• 1:30غاز الأكسجينتأثير غازات الهواء الجوي على البيئات المائية
• 1:14غاز ثاني أكسيد الكربونتأثير غازات الهواء الجوي على البيئات المائية
• 2:01لما CO₂ يزيدتأثير غازات الهواء الجوي على البيئات المائية
• 1:27لما CO₂ يقلتأثير غازات الهواء الجوي على البيئات المائية
• 2:14البيئة والنظام البيئيالغلاف المائي على كوكب الأرض