غاز الأكسجين

نص الفيديو

1. 0:00

   نبدأ بالأكسجين. الأكسجين بيوصل للمية عن طريق عمليتين. الأولى: تبادل الغازات بين الغلاف الجوي والمية. الهوا الجوي هو المصدر الرئيسي للأكسجين في المية. الأكسجين بيدوب في المية بنسبة صغيرة، والنسبة دي بتزيد في البحار والمحيطات بسبب حركة الأمواج واضطراب المية، لأن ده بيزوّد معدل تبادل الغازات بين الهوا والمية. التانية: البناء الضوئي. الكائنات المائية ذاتية التغذية، زي العوالق النباتية والطحالب والنباتات المائية، بتعمل بناء ضوئي وبتطلّع أكسجين في المية.

2. 0:33

   والعوالق النباتية، أو الفيتوبلانكتون، هي كائنات حية مجهرية بتعمل بناء ضوئي، وهي الغذاء الرئيسي لكائنات تانية زي الأسماك الصغيرة. طب الأكسجين مهم ليه؟ الأكسجين الدايب في المية بيساعد الكائنات البحرية تطلّع الطاقة اللي محتاجاها لعملياتها الحيوية. إزاي؟ بيأكسد جزيئات الجلوكوز، مصدر الطاقة الرئيسي، في التنفس الخلوي. فاكرين الدرس الخامس؟ ده اسمه الهدم، وهو واحد من عمليتين التمثيل الغذائي، أو الأيض.

3. 1:02

   ولو الأكسجين الدايب زاد، يحصل أربع حاجات. أولًا: التنفس يتحسن، لأن الكائنات المائية معتمدة على الأكسجين الدايب في تنفسها. ثانيًا: التمثيل الغذائي يتحسن، والنمو يزيد. ثالثًا: النشاط يزيد، في العوم والصيد والتكاثر. رابعًا: النظام البيئي يفضل متوازن ومستقر، لأن الأسماك واللافقاريات والنباتات كلها بتستفيد. عشان كده لو ضخّينا أكسجين في حوض سمك، هتلاقي السمك بقى أنشط.

• 1:21مقدمة الغازات والذوبانيةتأثير غازات الهواء الجوي على البيئات المائية
• 1:02مقارنة الأكسجين وثاني أكسيد الكربونتأثير غازات الهواء الجوي على البيئات المائية
• 1:14غاز ثاني أكسيد الكربونتأثير غازات الهواء الجوي على البيئات المائية
• 2:01لما CO₂ يزيدتأثير غازات الهواء الجوي على البيئات المائية
• 1:27لما CO₂ يقلتأثير غازات الهواء الجوي على البيئات المائية
• 2:14البيئة والنظام البيئيالغلاف المائي على كوكب الأرض